Anegret Kramp-Karenbauer është zgjedhur si udhëheqësja e re e Partisë Kristian-Demokrate në Gjermani.
Ajo do të jetë pasardhësja e deri më tani shefes së kësaj partie, Angela Merkel. Ajo është aleate e Angela Merkelit, ndërsa në garën për ta fituar vendin e kryeates e mposhti biznesmenin milioner, Friedrich Merz në rundin e dytë të procesit zgjedhor.
Kryetarja e deritanishme e partisë kristiandemokrate CDU Angela Merkel, u largua nga ky post, pas 18 vitesh, me një fjalim, i cili u përcoll me brohoritje dhe duartrokitje për 10 minuta.
Kramp-Karrenbauer është përballur me disa sfida gjatë garës për kryetare të partisë. Ajo është munduar të duket sikur po e përkrah Merkelin, por njëkohësisht ka dhënë shenja të qarta se do ta dërgojë partinë në një drejtim të ri.
Ndonëse ajo e ka përkrahur politikën e Merkelit për imigrantët, e ka pranuar se gjatë këtij procesi janë bërë gabime thelbësore dhe ka kërkuar që të ndalohen refugjatët që kanë të kaluar kriminale
