Aktivistja Gresa Hasa denoncon shkarkimin nga puna të një vajze, që çuditërisht punon në biznes privat, për shkak se është konsideruar politikisht e angazhuar. Hasa e lidh këtë ngjarje me protestën e studentëve, e organizuar prej dy ditësh.
“Njërën nga shoqet e mia të lëvizjes e pushuan nga puna sot sepse është politikisht e angazhuar. Pronarët e bizneseve nuk janë fort ndryshe nga pronarët në krye të qeverisë. A s’është revoltuese kjo?! Kauza për arsimin e lartë s’është vetëm e studentëve. Ajo është kauzë e të gjithë shoqërisë prandaj rasti e meriton që nesër të mblidhemi më të shumtë në numër, pavarësisht statusit, profesionit, qyteteve apo fshatrave nga vijmë! Së bashku drejt të ardhmes sepse arsim cilësor do të thotë shoqëri më e drejtë dhe e mirë”, shkruan aktivistja në rrjetet sociale.
Studentët kanë njoftuar se do të protestojnë sërish nesër përpara Ministrisë së Arsimit për të kërkuar uljen e tarifave në universitete.
