Kryetari i Partisë Demokratike, Lulzim Basha, i është përgjigjur akuzave të bëra nga ana e përfaqësuesve të mazhorancës sa i takon kompanisë ‘Victoria Invest’.
Basha tha se kompania në fjalë është pjesë e vjedhjes së bashku me Ramën e Veliajn.
“Viktoria Invest është pjesë e vjedhjes bashkë me Edi Rama Invest dhe Erion Veliaj Invest. Kjo është e vërteta dhe nuk mund ta fshehë Veliaj. Edhe të vjedhë me Viktoria Invest një projekt që duhet të kushtonte 10 herë më pak, tani edhe të vjedhë lekët edhe të thotë pastaj është kompania e Lulit. Jo jo Viktoria Invest, Rama Invest dhe Veliaj Invest janë 3 hajdutët e kësaj afere korruptive bashkë me disa të tjerë që kanë kontot bankare sekrete dhe po bëjnë gati të pastrojnë paratë e veprës kriminale të korrupsionit në konto sekrete bankare”, u shpreh Basha gjatë prononcimit për media me banorët e Unazës së re.
