Protesta e zhvilluar sot nga ana e studentëve të të gjitha Universiteteve në vend ka qenë një nga më masivet e mbajtura së fundi.
Pa ngjyrime partiake, studentët protestojnë prej më shumë se 4 orësh përpara Ministrisë së Arsimit, për të thënë se mbi ta politika nuk mund të sillet ashtu si dëshiron.
Kjo protestë ka ngjallur shpresë se me reagim situatat ndryshojnë, dhe një histori të veçantë ka treguar dhe moderatori Edvin Parruca. Moderatori shkruan se energjia e studentëve është e pandalshme dhe se askush nuk mund ta njollosë.
Reagimi i Parrucës:
Sot, pasi ndejta pak ne rreshtin e fundit te protestes se studenteve, mendova qe te shkruaja ndonje parrulle mbeshtetese. Hyra ne nje kancelari dhe i kerkova burrit qe shiste nje leter te madhe dhe lapostil dhe shkruajta ‘Qyteti eshte me studentet’, me njefare hezitimi nese mund te flisja ne emer te qytetit.
Po kur burri, pasi pa c’shkruajta, me tha ik se i ke falas, ma hoqi dyshimin. Kjo eshte nga ato vale energjie e paster qe perhapen ne menyre te pandalshme dhe s’ka force qe ta beje pis. Faleminderit studente qe na bete te perjetojme edhe njehere emocione te ketij lloji.
