Ish-kryeministri Sali Berisha ka sulmuar përsëri presidentin e Kosovës, Hashim Thaçi, për idenë e tij për ‘korrigjim kufijsh mes Kosovës e Serbisë’, të hedhur në tavolinë prej disa muajsh.
Berisha ka vlerësuar në emisionin ‘Pressing’, në televizionin T7, se plani i Thaçit për kufijtë parasheh ndarjen e Kosovës, gjë të cilën nuk e pranon asnjë shqiptar.
Ai ka thënë po ashtu se Thaçi po ndjek planet e Serbisë për Kosovën.
‘Askush nuk është dakord me Thaçin për këtë ide. Kjo ide është plan i Serbisë dhe nuk duhet të përkrahet nga askush. Luftëtarët e vërtetë janë kundër Hashim Thaçit’, ka theksuar Berisha.
Ish-kryeministri shqiptar ka deklaruar në T7 se më përpara do të takonte një serb, sesa Thaçin.
