Gazetari Marin Mema, ka reaguar sot pas protestës së studentëve para Ministrisë së Arsimit, të cilët kërkojnë ulje të tarifave të studimit në universitetet publike.
Me anë të një postimi në rrjetet sociale Mema u bën thirrje studentëve që të mos i lejojnë politikanët që të përfshihen në këtë protestësë, ndërsa shkruan: “Mbajini larg shushunjat, ngjyrat, maskarenjtë, politikanët e servilët e tyre, të përlyerit që do kërkojnë të futen në turmë, shkelmojini e detyrojini të ikin, e mos i lejoni të afrohen e të politizojnë këtë protestë sepse forca juaj është e pandalshme nëse ka ngjyrat e Shqipërisë e të askujt tjetër!!”
Ai më tej shkruan se, “Ne duhet ti mbështesim e ti përkrahim të arrijnë më të mirën, t’u krijojmë kushtet për të ndërtuar të ardhmen e jo ti largojmë prej saj !! Studentët kanë nevojë për oksigjen, krenari, drejtësi, mundësi, sepse ata janë Shqipëria e nesërme , vlera e shpirti i saj!!”
