Protestën e studentëve të Politeknikut të Tiranës, e kanë mbështetur jo vetëm studentët e kryeqytetit por edhe ata të rretheve.
Në mbështetje të kësaj proteste, janë hedhur sot edhe studentët e Elbasanit.
Sipas deputetit të PD-ës Luçiano Boç, i cili mbështet këtë protestë, “Marshimi i studentëve të inxhinierisë meriton mbështetje nga të gjithë studentët e Tiranës dhe të rretheve.
Dhjetori është muaji i Rinisë”.
Reagimi i plotë i deputetit të PD, Luçiano Boçi
DHJETORI I STUDENTËVE
Tarifat e larta janë një spunto që ka nxjerrë në pah zemërimin e plotë të rinisë shqiptare.
Trajtimi i tyre si klientë, mungesa e mbështetjes nga shteti, rrënimi progresiv i cilësisë së diplomave, mungesa e së ardhmes, ka shpërthyer protestën e tyre.
Marshimi i studentëve të inxhinierisë meriton mbështetje nga të gjithë studentët e Tiranës dhe të rretheve.
Dhjetori është muaji i Rinisë.
Stop abuzimit me tarifat!
Stop harbutërisë kryeministrore!
Stop paaftësisë ministrore!
Stop mungesës së të ardhmes!
