Kompania Vodafone Albania bëhet pjesë e propagandës së “Rilindjes”.
Në media është pasqyruar këtë të martë, një njoftimin i shpërndarë nga zyra e shtypit e kompanisë celulare, ku reklamohet një shërbim i Vodafone, pjesë e së cilës është edhe ministri i Infrastrukturës dhe Energjetikës, Damian Gjiknuri, i akuzuar për korrupsion në shumë raste.
“Ministri i Infrastrukturës dhe Energjetikës, z. Damian Gjiknuri u ftua të ishte i pari për të provuar eksperiencën e rrjetit ultra të shpejtë Gigabit. Direkt nga zyrat e Vodafone, pa nevojën për të udhëtuar drejt kantierit të ngritur në zonën e Klosit, Ministri Gjiknuri pati mundësinë të monitorojë në kohë reale ecurinë e punimeve në rrugën e Arbrit, nëpërmjet një lidhjeje direkte nga kamera e dronit në syzet VR. Transmetimi live i videos në cilësinë maksimale 4K u mundësua nga kapaciteti i rrjetit Vodafone Gigabit, i aftë për të transmetuar të dhëna në milisekonda, pa vonesa pavarësisht distancave të largëta”, thuhet ndër të tjera në njoftimin e kompanisë, duke vulosur një bashkëpunim Vodafone Albania – “Rilindje”.
Pra duket sikur njëra dorë lanë tjetrën dhe të dyja lajnë njëra-tjetrën. Si qeveria “Rilindase” ashtu dhe kompania Vodafonë Albania, janë mjelëse të përditshme të shqiptarëve duke i bërë ata edhe më të varfër seç janë.
