Trupi i pajetë i një gruaje është gjetur pasditen e sotme në Trikala, Greqi. Bëhet fjalë për një grua shqiptare me inicialet S. M., 64 vjeçe. Siç bën të ditur policia greke, gruaja ka rreth 20 ditë që ka ndërruar jetë në shtëpinë e saj, sepse trupi është gjetur i dekompozuar.
64-vjeçarja ishte nënë e një djali që është me studime në Itali. Gruaja prej vitesh jetonte vetëm dhe kohët e fundit nuk ishte parë më.
Fqinjët të shqetësuar për erën e rëndë që vinte dhe kanë njoftuar policinë. Duke gjetur derën e mbyllur, policia ka kërkuar ndihmën e një specialisti bravash. Kur kanë hyrë brenda kanë gjetur gruan të pajetë dhe trupi në proces dekompozimi.
Kanë nisur hetimet për shkaqet e vdekjes.