Sipas njoftimit të policisë, një 71-vjeçar me iniciale R.T. dyshohet se nga pakujdesia ka vrarë vetën me armën e tij të gjahut, çifte, të cilën ishte duke e pastruar.
Ngjarja ka ndodhur në Durrës në lagjen nr. 13, në banesë të viktimës.
“Më datë 02.12.2018, në lagjen nr. 13, në banesë, shtetasi R.T., 71 vjeç, dyshohet se nga pakujdesia duke pastruar armën e gjahut çifte është shkrepur dhe ka ndërruar jetë. Në cilësinë e provës materiale u sekuestrua arma e gjahut, me leje. Materialet u referuan në Prokurorinë pranë Gjykatës së Shkallës së Parë Durrës. Neni 99 i Kodit Penal”, njofton policia.
