Kriminaliteti në vend duket se ka shënuar një rritje, ku vet shifrat e policisë vetëm këtë fundjavë sjellin plot 28 persona tnë arrestuar, për një sërë veprash penale.
Kështu janë vënë në pranga: 7 që ishin shpallur në kërkim, 2 për dhunë në familje, 1 për ndërtim të paligjshëm, 5 në fushën e narkotikëve, 3 për drejtim mjeti në mënyrë të pa rregullt, 1 për vjedhje te energjisë elektrike dhe 9 për vjedhje dhe vjedhje me ane të mashtrimit. Policia ka ushtruar gjithashtu kontrolle në 12 lokale të ndryshme, ndër to dhe 3 lojëra fati. Janë verifikuar 1131 persona dhe janë shoqëruar 98. Nga Policia Rrugore janë pezulluar 5 leje drejtimi për pije alkoolike e shpejtësi tej normave të lejuara si dhe 25 masa të tjera për shkelje semafori e për mungesë të kontrollit teknik.
