Pak pasi kishte përfunduar protesta e banorëve të Astirit, policia ka arrestuar në mënyrë të dhunshme 3 protestues, ndërkohë që dhe deputeti i partisë Demokratike Klevis Balliun është marrë në makinën e policisë.
Sipas raportimeve, banorët janë marrë me dhunë, ndërkohë që janë goditur dhe operatorët që po filmonin ngjarjen.
Sot në ditën e 28-të të protestës, vijon dhuna dhe shoqërimet e protestuesve, banorë të “Unazës së Re” nga policia e shtetit.
Policia ka arrestuar në mënyrë të dhunshme 3 protestues, mes tyre dhe një i mitur 13-vjeç. Bëhet e ditur se deputeti Klevis Balliu shoqëroi në furgonin e policisë një protestues të mitur (siç jane të dhënat e deritanishme) të ndaluar nga polcia. Ata ndodhen në komisariatin 6.
Një zonjë, banore e Astirit u shpreh përpara kamerave se policia i ka dhunuar.
