Deputetët francezë kanë votuar me shumicë dërrmuese në favor të një projektligji që do t’i ndalojë prindërit të gjuajnë me shpulla fëmijët apo përdorin dënimin fizik ndaj tyre.
Projektligji mbi “ndëshkimin fizik apo poshtërimin” kërkon të sigurojë që autoriteti prindëror të ushtrohet pa dhunë.
Pr/ligji pritet që të shkojë në senat.
Sondazhet thonë se rreth 85% e prindërve francezë përdorin dënimin fizik ndaj fëmijëve.
Projektligji u propozua nga një deputet i partisë Lëvizja Demokratike e Qendrës, Maud Petit, por mori mbështetjen e partisë së Presidentit francez Emmanuel Macron.
Javën e kaluar, katër anëtarë të së njëjtës familje u arrestuan pasi një djalë nëntë vjeç u rrah për vdekje në qytetin lindor të Mulhouse. Burime policore u thanë medias lokale se djali kishte refuzuar të bënte detyrat e shtëpisë dhe u godit.
Nëse ligji miratohet nga Senati, Franca do të bëhet vendi i 55-të që ndalon dënimin fizikë të fëmijëve.
