Nga Boldnews.al
Kur vijonte largimi masiv i shqiptarëve kryesisht drejt vendeve të BE-së, nga Edi Rama shihej si një lëvizje normale. Për të, ky nuk ishte aspak problem dhe jo më kot zërat se kishte një strategji për të larguar shqiptarët nga shqipëria dhe “xhepat e lënë nga ikja e tyre” të mbushen me fuqi të huaj punëtore, tashmë është projekt i një stratëgjie të mirëmenduar.
Së fundmi është publikuar me krenari stretegjia qeveritare që ka për qëllim pikërisht shpopullimin e vendit tonë. “Shqipëria, njësoj si shumë vende fqinje të BE-së, do të duhet të marrë në konsideratë ofrimin e skemave specifike për tërheqjen e profesionistëve të huaj dhe punëtorëve të kualifikuar në sektorët me kërkesë të lartë, përfshi këtu edhe kombinimin e lejes afat-gjatë të qëndrimit dhe të punësimit” thuhet në tudimin dhe projektin qeveritar.
Dokumenti vlerëson se duhet të ketë një analizë më të mirë të migracionit për të parë ndikimin në tregun e punës të tij, flukset migratore si dhe vëllimin dhe strukturën e fuqisë punëtore që më pas do të përcaktojë nevojën për fuqi punëtore të huaj.
“Një politikë e ardhshme e mirë për migracionin për motive punësimi do të kërkojë që nevojat e migracionit për punë të monitorohen dhe të parashikohen rregullisht. Vlerësimet e rregullta të ndikimit aktual dhe të ardhshëm të flukseve migratore mbi vëllimin dhe strukturën e fuqisë punëtore kombëtare, së bashku me vlerësimet e ndikimit të migracionit në tregjet kombëtare dhe rajonale të punës, do të duhen për të përcaktuar politikën e migracionit për motive punësimi dhe nevojën për fuqi punëtore të huaj”-vijon më tej strategjia qeveritare.
Sipas raportit, ky proces do të kërkojë kapacitete të mira nga institucionet përkatëse të qeverisë Shqiptare për mbledhjen dhe analizimin e të dhënave për migracionin për motive punësimi dhe përdorimin e projeksioneve të migracionit, për të zhvilluar politika afatgjata të migracionit për motive punësimi.
Vendi po kalon një nga krizat më të mëdha migratore, ku ndryshe nga largimet masive të fillimit të viteve 90’, në ditët e sotme ata që po largohen janë pikërisht të rinj të kualifikuar. Një numër i madh mjekësh e infermierësh, po ikin drejt Gjermanisë, apo edhe Zvicrës që ka hapur programe për tërheqjen e kësaj kategorie profesionistësh.
Gjithashtu numri gjithnjë e në rritje edhe i profesioneve të tjera specifike po kërkojnë shpëtim në vendet e zhvilluara, kjo e kushtëzuar nga shumë faktorë, ku më kryesorja është paga e ulët dhe perspektiva gjithnjë e më e zymtë që ka ardhur edhe nga politikat qeveritare të pesë viteve të fundit.
Me këtë ritëm, Rama duket se ka marrë një zotim, me veten apo edhe në skutat e “Lozhës Sorosiane”, që të largojë nga vendi elitën, të rinjtë e shkolluar dhe për më shumë atë kontigjent votuesish që dinë të bëjnë mirë llogaritë, para se të shkojnë në kutinë e votimit. Në politikat e multimiliarderit Xhorxh Soros, një nga pjesët që ka investuar është krijimi i klimës së shteteve kozmopolite, pa sensin e identiteve kombëtare. Në një lloj mënyre shpopullimet dhe miksimet e shoqërive multietnike, sidomos në vende me demokraci hibrite si Shqipëria, janë nisma të mirëmenduara të Fondacionit Shoqëri e Hapur.
Në ritme të tilla, vendi rrezikon të shkojë në kolaps brenda dhjetë vitesh, ku do mbesi një popullsi e plakur, mungesë elitash nga ikjet masive të intelektualëve dhe punëtorëve të kualifikuar. Për qeverinë kjo nuk do jetë problem, pasi zgjidhjen e shohin me tërheqjen e punëtorëve të huaj. Të ikin shqiptarët dhe të vijnë emigrantë nga Lindja e Mesme, Azia dhe Afrika.
