Policia arriti të vërë në pranga ditën e sotme një punonjës të doganës së Kapshticës, i cili akuzohet për “shpërdorim detyre.
Pas arrestimit të tij, detaje të reja janë publikuar. Burime zyrtare për CNA.al bëjnë të ditur se i arrestuari Lulzim Kodra, i cili akuzohet për “Shpërdorim detyre” pasi lejoi kalimin e 4 mjeteve me mall të dyshuar kontrabandë, pa ushtruar kontrollin përkatës, është kushëri i afërt i deputetit socialist, Ilir Xhangolli.
Ndërkohë, kujtojmë këtu se pak ditë më parë një tjetër denoncim është bërë nga ish-kryeministri Sali Berisha, ndaj deputetit socialist.
Berisha publikoi disa ditë më parë denoncimin e një qytetari, sipas të cilit janë liruar baxhanaku i deputetit socialist Ilir Xhangolli dhe kushëriri i tij i parë, të cilët u arrestuan pak ditë më parë në flagrancë në doganën e Qafë Thanës duke kontrabanduar 2100 goma.
Nga ky operacion policor u arrestuat 9 persona, mes të cilëve dhe 5 doganierë. Denoncuesi theksonte se të vetmit që u liruan ishin të afërmit e deputetit Xhangolli, i cili sipas tij qëndroi dy ditë në Korçë, derisa u liruan personat në fjalë.
Denoncuesi theksonte se “Baxhanaku me emrin Stefan Hila dhe Kushuriri i parë me mbiemrin Kodra, te dy njerez te deputetit Ilir Xhangolli çuditerisht dolen nga burgu dhe u lane te hetohen ne gjendje te lire”.
