Në një kohë kur Ballkani po vlon sërish nga retorika raciste e ekstremistëve, një artist grek zgjedh të provokojë me këtë karikaturë. Tensionet mes Shqipërisë dhe Greqisë pas vrasjes së ekstremistit Kostandin Kacifa, si dhe revolta e disa qarqeve greke për emrin e ri të Maqedonisë kanë shkaktuar jo pak trazira në rajon.
Por karikaturisti grek John Antóno e sheh dashurinë të triumfojë mbi urrejtjen. Ai ka vizatuar nxënësit e një shkolle që i kanë bërë bllokadë një ekstremisti neo-nazist.
Në rresht të parë qëndrojnë tre nxënës, maqedonas, grek edhe shqiptar, të kapur dorë për dore, pas tyre një banderolë “Jashtë fashistët nga shkollat”.
Megjithatë karikatura nuk është pritur nga të gjithë mirë, edhe në Greqi, reagimet kanë qenë të përziera.
