Deputetja kanadeze, Julie Dabrusin ditën e mërkurë ka mbajtur një fjalim për nder të Çlirimit të Shqipërisë.
Dabrusin për nder të 28 nëntorit ka ndarë një historik të shkurtër në parlamentin kanadez. Fillimisht, Dabrusin është ndalur shkurt në historinë e kësaj dite për shqiptarët. “Pas 5 shekujsh, nën pushtimin e Perandorisë Osmane, Shqipëria shpalli pavarësinë më 28 nëntor 1912”, u shpreh ajo, duke shtuar se në 28 nëntor “shqiptarët ngritën flamurin në Vlorë, ditë e cila prej atëherë njihet si ‘Dita e Flamurit’ ”.
Në përfundim të fjalës së saj, Dabrusin ka uruar shqiptarët në gjuhën shqipe për 106 vjetorin e shpalljes së pavarësisë.
