Nëse mendoni se kjo është vetëm edhe një histori e një hoteli të pushtuar nga shpirtrat, atëherë e keni gabim.
Ky hotel madhështor afër bregdetit ishte ndërtuar në vitin 1888, me qëllim që të bëhej simbol i botës perëndimore. Derisa ishin në gjueti të lepujve, themeluesit (ndërtuesit) e hotelit, Elisha Babcock dhe H.L. Story u magjepsën nga bukuria e gadishullit Coronado të San Diegos.
Ata filluan që të ëndërronin për ndërtimin e një hoteli të madh, i cili do ta joshte kremin e kremit të shoqërisë nga e mbarë bota. Që nga atëherë, në këtë hotel kanë qëndruar presidentë amerikanë, dinjitarë ndërkombëtarë, të famshëm dhe pjesë- tarë të familjeve mbretërore, aktorë, etj. Ky hotel është përshkruar në detaje nga historianët, arkitektët dhe ekspertët e pushimeve. Gati të gjithë ata flasin edhe për “praninë” e shpirtit të një femre në këtë hotel, që rëndom quhet “Zonja e detit”.Pronari aktual i hotelit është Larry Lawrence dhe duket se atij nuk i paraqet problem fakti që hoteli i tij ka edhe një fantazmë brenda.
Çka dinë banorët lokalë?
në dijeni rreth rastit famëkeq të Kate Morganit, një gruaje e cila vdiq në rrethana misterioze në “Hotel del Coronado”, më 29 nëntor të vitit 1892. Kufoma e saj u gjet në një shkallë të jashtme, e cila çonte te zona e plazhit dhe dukej se ajo kishte vdekur si pasojë e një plage të vetë-shkaktuar me armë zjarri në kokë. Ajo ishte vendosur e vetme në hotel pesë ditë më parë me emrin Lottie Bernard. Thuhet se ajo aty priste ardhjen e të dashurit, Tom Morgan. Sipas të gjitha gjasave, ai kurrë nuk erdhi. Vdekja e saj ditën e Festës së falënderimeve, bëri bujë të madhe duke u paraqitur në çdo gazetë të kohës. Njerëzve iu interesonte çka e kishte shtyrë këtë femër të të ngrinte dorë kundër vetes? Mos vallë vetmia? Ndonjë sëmundje mendore? Apo dëshpërimi pse nuk i erdhi i dashuri? Gazetat thanë se ajo kishte rreth 28 vjet, me sy të zi, vesh të mëdhenj, me gojë të madhe dhe buzë të holla. Nuk ka dyshim se këto përshkrime janë plot paragjykime, por megjithatë ofrojnë ca të dhëna. Por, çka ndodhi me Tomin? Kush ishte Lottie? A kishe vepruar Kate e vetme? Vdekja e saj, deri sot e kësaj dite, mbetet e rrethuar me mister.
Vetëvrasje, apo vrasje?
Edhe pse vdekja e saj ishte cilësuar si vetëvrasje asokohe, një hetim i bërë në vitin 1980 nga avokati nga San Francisko, Alan May, konstatoi se vrasja aspak nuk përjashtohet në këtë rast. Dëshmia e tij kryesore ishte deklarata se plaga në kokën e gruas nuk përshtatej me armën e saj. A mund të jetë që Kate të jetë vrarë, prandaj edhe vazhdon shpirti i saj që të qëndrojë në hotel dhe nuk mund të rehatohet në botën tjetër? Shumë besojnë se përgjigja në këtë pyetje është ‘po’.
Gjërat e çuditshme në hotelin “Del Coronado”
Edhe sot e kësaj dite, mysafirët dhe punëtorët e hotelit “Del Coronado”-s raportojnë ngjarje bizare dhe prani të çuditshme në hotel. Dhoma e katit të tretë, e cila tani mban numrin 3327, ku kishte qëndruar Kate Morgan, ka qenë vend i ndodhjes së fenomeneve të pashpjegueshme dhe mysafirët që kanë pasur fatin për të qëndruar aty, thonë se kishin përshtypje se ishin duke u shikuar nga dikush.
