Mediat italiane shkruajnë se tre shqiptarë janë arrestuar si autorë të një sërë grabitjesh që kanë ndodhur javët e fundit në provincën e Trevisos.
Shqiptarët e arrestuar janë Mirsad Arci, 31 vjeç dhe Edmir Sadiku, 42-vjeç dhe Taulant Leka. Ky i fundit 30 vjeçari ishte sipërmarrës i kompanisë Mediatech dhe shiste materiale ndërtimi.
Ndalimi
Patrullat e policisë në zonë ishin vënë në dispozicion të banorëve për shkak të motit të keq dhe kjo situatë ishte shfrytëzuar nga tre shqiptarët për të realizuar grabitjet e shumta. Ata u kapën pranë urës Busche bashkë me sendet e vjedhura nga katër grabitjet e kryera. Atyre ju gjetën orë Rolex dhe Cartier, bizhuteri të shtrenjta, syze dielli dhe mjete elektronike. Ata vidhnin gjithçka që u dilte para syve” shkruan Il .trevisotoday.it Policia ka identifikuar gjithashtu një vilë luksoze në Treviso, ku ishin fshehur sendet e vjedhura, përfshirë bizhuteri të shumta, unaza martese, gurë të çmuar dhe artikuj të tjerë.
Taulanti i fut ne kurth
Taulant Leka është bashkëpunëtor i kompanisë Mediatech dhe shiste materiale ndërtimi. Në kontakt me Ora News e motra e Taulantit tregon se vëllai i saj ishte futur në kurth nga 2 personat e tjerë.
“Është kurth dhe sajim kjo histori. Kemi dorëzuar dokumentet. Prisni të dalë e vërteta. Kur te marri drejtim historia jam e bindur se Taulanti do ju japë deklaratën duke treguar historine si qëndron e vërteta. Nese do ishte historia kështu sië e sajuan mediat Italiane ju them me bindje se une sot duhet te isha menduar shumë herë përpara se t’ju shkruaja” na shkruan ajo në një kontakt me Ora News.
