Aktori i njohur i humorit, Julian Deda, në një postim të bërë ditën e sotme në Instagram, ka zgjedhur një mënyrë ndryshe për të uruar Festën e Pavarësisë.
Në një foto të postuar në Instagram ai tërhequr vëmendjen për situatën e krijuar në vend, ndërsa të rinjtë po zgjedhin si mundësi më të mirë largimin nga Shqipëria.
Statusi i plotë:
Ma gezofsh diten e pavaresise zemra ime.
Shqiperia, zemra dhe shpirti i çdokujt qe ndjehet shqiptar, sot nuk eshte ne ditet e saj me te mira. Perkundrazi ky 106 vjetor e gjen me mbi 250 mije shqiptare me pak. Ata iken, jo per shkak te tokes, jo per shkak te historise dhe as te mosdashjes se vendit te tyre, ata iken se u “debuan”.
I deboi skamja dhe padrejtesia.
Shqiperia, e bukura e dheut, ky vend qe e ka fale Zoti si te tille, çfare nuk ka hequr gjate ketij shekulli. Gjitha te zezat qe mund t’i ndodhin nje vendi, qe nga luftrat e deri te vetshkaterrimet, qe nga diktatura me e eger ne planet e deri tek zhvatjet e hajdutave me kollare, qe si kanceri e kane pushtuar kete vend me metastazat e tyre dhe nuk duan te shqiten deri sa t’ja marrin frymen.
Nuk kane per t’ja dale, pa merak.
Shqiperia, vendlindja jone e mire, pavaresisht perballjes me “cuname” historike, qe te rralla jane ato shtete qe i perjetojne, ka arritur t’ja dale duke perjetuar tri ngjarjet me te rendesishme e saj 106 vjeçare.
E para, mbreteresha e festave eshte padyshim shpallja e pavaresise ne vitin 1912.
E dyta eshte ajo ngjarje qe na hapi syte si popull, shembja e komunizmit ne vitin 1990.
Ndersa e treta, ngjarje e cila na mbushi me shprese eshte liberalizimi i vizave ne vitin 2010, ku shqiptaret u ndjene te lire jo vetem menderisht, por edhe fizikisht.
Po sot Shqiperi pa me thuaj si je? E di e di, je e rrethuar me hijena. Me vjen keq, por une akoma nuk e kam humbur shpresen se nje dite ti do kesh ate qe meriton.
Prandaj nuk iki, nuk dua te iki, refuzoj te debohem, prandaj jam ketu me ty, prandaj kam vendosur te jetoj, te perjetoj, te qaj dhe te qesh ketu me ty. Pa merak, nuk besoj se do te leme vetem, sepse ti nuk e meriton nje gje te tille.
Ti nuk meriton te qash perjetesisht, ti duhet te qeshesh fort dhe pa komplekse. Mos bej gabim te ndjehesh inferiore ndaj askujt ne asnje moment, sepse ti je Shqiperia vendi ku jeton nje nga popujt me te vjeter ne Europe, vendi i shqiponjave dhe jo i sorrave dhe mbi te gjitha vendi me flamurin me te bukur ne bote. Te dua..!”
