Pas fitores minimale 1-0 në shtëpi ndaj Valencias, që i siguroi edhe kualifikimin për në fazën me eliminim direkt Juves, është trajneri Masimiliano Alegri i cili në konferencën për shtyp deklaroi:
Valencia e tregoi se është në një gjendje të mirë, kanë mbrojtjen më të mirë në La Liga dhe nuk është e lehtë t’i shënosh. E kishim të vështirë të gjenim hapësira. Duhej të shfrytëzonim më mirë mundësitë për golin e dytë. Kjo ishte një ndeshje që duhej të përdornim kokën për të fituar. Kjo është një skuadër pothuajse si ajo e sezonit të kaluar, por duke luajtur më shumë me njëri-tjetrin jemi përmirësuar akoma më shumë, dhe e lëvizim më shpejt topin. Ronaldo na jep një siguri dhe vetëbesim, me ardhjen e tij, por në thelb skuadra është e njëjtë” – u shpreh Alegri.
