“Ismail Rebeshi ishte kontakti më i rëndësishëm për shpërndarjen e drogës në Viterbo dhe rrethinat, i lidhur me krimin italian dhe atë shqiptar”, është vlerësimi i karabinierëve të Carbonia-s dhe Antimafias së Kaliarit për 35-vjeçarin shqiptar, të arrestuar në Viterbo një ditë më parë, si pjesë e një rrjeti të drogës, aktiv mes rajoneve të Sardenjës, Lombardinë dhe Lacios.
Rebeshi, me banim në prej vitesh në Viterbo, është pronar i një pike makinash të përdorura dhe i një klubi nate. Shqiptari, sipas hetuesve, ishte edhe një nga furnizuesit me kokainë dhe heroinë të një grupit sard.
Sipas raportimeve të mediave italiane, karabinierët kanë bërë dy goditje të mëdha ndaj grupit sard për të cilën shqiptari akuzohet se e ka furnizuar me mbi 7 kg dogra të forta. E para ishte në shkurt dhe e dyta dje, në një aksin që çoi në arrestimin e disa personave të nivelit të lartë të grupit, mes tyre edhe shqiptarit Ismail Rebeshi. Grupi, sipas hetuesve, kishte arritur të trafikonte sasi të konsiderueshme droge në Sardenjeë dhe kishte lidhje me Kamorrën dhe Ndranghetan.
Vetë Rebeshi akuzohet se ka furnizuar grupin sard me 6 kg kokainë dhe 1 kg e gjysmë heroinë nga shtatori 2017, deri në shkurt 2018.
