Minatorët vijojnë të protestojnë. Ata kërkojnë takim me kryeministrin Edi Rama. Sot në mëngjes ata kanë dorëzuar mjetet e identifikimit në Kryeministri.
“Duam takim me Kryeministrin, nuk lëvizim pa plotësuar kërkesat tona. Pasi na morën dokumentat nuk ka dhanë përgjigje, nëse do na presin apo jo”, u shprehën ata.
Protesta e tyre vijon që prej ditës së djeshme. Minatorët në fjalën e tyre nuk kursyen edhe akuzat për Ministrinë e Financës, e cila sipas tyre po i sorallat me qëllime djallëzore.
“Arritëm një mirëkuptim edhe me ministrinë e Financave. Kjo ministri për hir të vërtetës, na sorollat me protesta të paligjëruara, me qëllim djallëzor. Ne jemi punonjës miniere nuk jemi specialistë të kriminalistikës. Kur kemi projektuar projekt ligjin e statusit të minatorit kemi bërë që mos të preket buxheti i shtetit, por nga kompanitë. Kjo u ul poshtë nga përfaqësuesit e ministrisë, e thënë edhe nga përfaqësuesit e sindikatave.
Kemi bërë një status të përkryer që ka marrë vlerësim nga sindikata e minatorëve.
