Së fundmi po bën xhiron në rrjetet sociale një video e gazetares Rudina Xhunga. Xhunga ka trajtuar si temë në emisionin e saj disa ditë më parë kthimin e eshtrave të Mid’hat Frashërit. Por gazetarja ngatërron vazhdimisht emrat e Mid’hat Frashërit dhe Mit’hat Havari.
“Është normale që të kthehet në Atdhe, është normale që të kthehet në shtëpi Mit’hat Havari dhe të plotësohet amaneti i fundit…” – ka thënë moderatorja.
Por Xhunga nuk e lë me kaq. Ajo e përsërit disa herë gafën dhe thotë se “Mit’hat Havari u varros me nderime”, edhe pse është gjallë. Ajo në fund bëhet e vetëdijshme për gafën e saj të herëpashershme dhe kërkon ndjesë.
Pasi bëri xhiron në rrjet edhe vetë moderatorja e publikoi videon në Instagram. Gazetarja e ka marrë me të qeshur gafën e saj.
“edhe këtë e bëra. Të ç’tensionojmë cik situatën se shumë të shara e urrejtje ka përreth,” ka shkruar Xhunga duke e shoqëruar shkrimin me emoji.
