Stina e reshjeve po e gjen në gjendje thuajse të amortizuar rrugën Berat-Skrapar. Gropat dhe dëmtimet e asfaltit e kanë shndërruar atë në një burim aksidentesh thuajse në të gjithë gjatësinë prej 50 kilometrash.
Edhe ky dimër e gjeti në gjendje të degraduar aksin nacional Berat-Skrapar.
Rruga rrreh 50 kilometra lidh Poliçanin, Skraparin dhe fshatrat e tyre me Beratin, por qarkullimi aty është i vështirë
Në pjesën ku Berati ndahet me bashkinë e Poliçanit, kjo rrugë është bërë shpesh burim aksidentesh për shkak të dëmtimit të rëndë që ka pësuar asfalti.
Drejtuesit e mjeteve ankohen se veç dëmeve të mëdha që u shkakton në mjete kjo rrugë po u rrezikon dhe jetën.
Mbushja e gropave ka qenë ndërhyrja e vetme ndër vite në këtë aks, por një rikonstruksion total mungon.
