Një 30 vjeçar me origjinë shqiptare përfundoi në pranga e karabinierëve në Gualdo Cattaneo pasi u kap me lëndë narkotike.
Policia ndaloi një makinë të drejtuar nga shqiptari me iniciale G.R, me banim në Foligno, i cili u gjet në posedim të 16 gram kokainë.
Pas kësaj, policia zhvilloi një kontroll në shtëpinë e tij, ku ndodhej partnerja 30 vjeçare italiane me iniciale A.F. Atje janë gjetur edhe 235 gram kokainë, e ndarë në zona dhe e gatshme për t’u vendosur në treg. Gjithashtu, janë gjetur materiale për prerjen e kokainës, dy peshore elektronike si dhe 200 euro.
Prokuroria Publike e Spoletos, e cila koordinoi hetimet, urdhëroi arrestimin shtëpiak për njeriun, përgjegjës për posedimin e drogës, ndërsa edhe gruaja akuzohej për të njëjtën vepër penale.
Policia ka konstatuar se sasia e kokainës së sekuestruar është e mjaftueshme për të prodhuar rreth 950 doza, të cilat nëse do të shiteshin në treg do t’i kishin sjellë shqiptarit 75.000 euro.
