Blendi Gonxhe është emëruar Drejtori i ri i Patentave pas dorëheqjes së Arben Isarajit pak kohë më parë. Mësohet se Gonxhe ka qenë më herët Drejtori i Parqeve dhe Rekreacionit në Bashkinë e Tiranës.
Kujtojmë se Arben Isaraj dha dorëheqjen nga posti në datën 22 tetor pas arrestimi të vëllait të tij për trafik narkotikësh.
Në letrën e dorëheqjes drejtuar Ministrit për Energjinë dhe Infrastrukturën, Isaraj kërkoi që të largohet nga detyra e tij për të mos ndikuar në procesin gjyqësor të vëllait.
Kujtojmë se vëllai i drejtorit të Patentave, Altin Isaraj, u la në masën arrest me burg nga Gjykata pasi akuzohet si pjesë e grupeve kriminale të trafikut të kokainës. Gjatë kontrollit atij iu sekuestrua edhe një armë tip pistoletë të cilën e posedonte pa leje.
