Ish-kryeministri Sali Berisha ka reaguar për video-skandalin seksual ku u përfshi kreu i bashkisë së Peshkopisë, Shukri Xhelili.
Berisha shkruan në facebook ‘se organizata kriminale e Edvin Shullazit regjistron çdo ditë një skandal, duke përmendur gjithë ndodhitë e fundit’.
Berisha sulmon edhe prokurorin e Dibrës, i cili ka kërkuar procedim penale në gjendje të lirë ndaj Xhelilit, duke e quajtur më të zi se ish-kryebashkiakun.
STATUSI I PLOTË I BERISHËS
Aleancë e llumit, aleancë e skandaleve!
Të dashur miq, organizata kriminale e Edvin Shullazit apo qeveria e tij, regjistron çdo ditë një skandal, që të gjithë pa përjashtim të lidhur direkt me kokën e meduzës së krimit të organizuar apo gjymtyrët e saj. Në një jave, anëtarët e organizatës kriminale krenarisht regjistrojnë:
-vrasjen, në praninë dhe me hjeksimin e policisë, të Çiços, në prani të oficerit trafikant Alban Trimi që fshehu revolen e Qebinit
-Thyerjen e gjilpërës së revolverit të ushtarit të Shullazit nga zëvendës drejtori i policisë Ermal Shullazi në prani të dy zyrtarëve të tjerë të lartë të policisë
-Zbulimi nga autoritet greke dhe DEA e SHBA në Athinë të Balilit, Eskobarit të Ballkanit, drejtor në qeverinë organizatë kriminale, që paguante dhe vakanca fabuloze, kryekanabist i devotshëm, sivllau i Kryeministrit të Jugut, Keli i Kokëdhimës
-Xhelili i Edvin Shullazit, që shiste, firmoste vende pune kundrejt seksit dhe që prokurori më i zi se ai, me urdhër të Ramës, pasi e akuzon për tre vepra penale krenarin brekëgrisur të Edvinit, kërkon për të ndjekje në gjendje të lirë. Flitet si shpërblim kjo, pasi Xhelo nuk e përdhunoi dot viktimën e tij.
Kjo është organizata kriminale e aleancës së llumit të Edvin Shullazit! sb
