Skuadra e Arsenal, sipas shtypit anglez, ka bërë gati një kontratë të me shifra të jashtëzakonshme për Mesut Ozil, fantazisti gjerman, i cili është transferuar në Londër për 50 milioën euro nga Real Madrid. Në orët e fundit kanë filluar të qarkullojnë zërat për një intersim të Juventus, me Allegri-n që është akoma në pritje të fantazistit të kërkuar verën e kaluar. Por gjermani është një nga pikat më të forta të formacionit të Arsene Wenger, një nga lojtarët mbi të cilin trajneri francez synon të mbështetet për ta kthyer Arsenal-in në një nga klubet më të mira të Europës pas një sezoni zhgënjyes.
Megjithatë, vetë Ozil, duket se ka dëshirë të transferohet te një klub që do të luftojë për Champions League dhe “Topçinjtë”, për momentin, nuk duket se mund ta kënaqin në aspekt. Por drejtuesit londinezë kanë si objektiv kryesor që ta mbajnë atë dhe Alexis Sanchez në ekip. Gjithmonë sipas shtypit anglez, Arsenal mësohet se i ka ofruar një kontratë prej 260 mijë eurosh në kavë, rreth 15 milionë euro në vit, një ofertë kjo që nuk mund të barazohet nga Juventus, që shikon te gjermani fantazistin perfekt.
