Kosova nuk arrin të bëhet pjesë e organizatës botërore policore INTERPOL. Kandidatura e Kosovës nuk arriti të marrë mbështetjen prej 2/3-tave nga 194 vendet anëtare.
Në votimin e Asamblesë së Përgjithshme të INTERPOL-it në Dubai, pro Kosovës Votuan 76 vende. Kundër ishin 56 dhe 22 abstenuan.
Mes vendeve që mbështetën lobimin e Serbisë kundër anëtarësimit të Kosovës ishin Rusia, Kina, Spanja, Bjellorusia e Maroku.
Kjo ishte hera e katërt në 8 vitet e fundit që Kosova aplikonte për tu anëtarësuar në INTERPOL.
