Është identifikuar shqiptari, cili u gjet i vdekur ditën e djeshme në Itali, shtrirë në një stol të një parku në Milano. Mediat italiane shkruajnë se bëhet fjalë për 47-vjeçarin, Ardjan Sulo i cili rezulton që kishte pirë një sasi të konsiderueshme alkooli, por nuk kishte arritur t’i mbijetonte alkoolit që kishte pirë.
Të parët që vunë re trupin e tij, të shtrirë në një stol në një park publik, ishin fqinjët dhe një italian, i cili kishte dalë nga shtëpia për një shëtitje në mëngjes.
Në trupin e të ndjerit nuk janë gjetur shenja dhune dhe sipas analizës së parë nga eskpertiza mjeko-ligjjore ai ka ndërruar jetë për shkaqe natyrore. Shqiptari nuk kishte precedentë penalë, por ishte I parregullt në shtetin italian dhe nuk ishte banues i zonës, referuar banorëve të zonës.
Askush nuk e njihte, por disa ditë më parë kishte trokitur në parë në kishën e Kryqit të Kuq, për të kërkuar ndihmë.
