Edhe pse situata në Kombëtare është mjaft zhgënjyese për shkak të rezultateve, trajneri Kristian Panuçi refuzon të dorëhiqet. E paralajmëroi këtë pas humbjes së djeshme 4:0 me Skocinë në konferencën për shtyp.
“Nëse Duka nuk besoj tek unë jam i gatshëm të flasim”, ishin fjalët e 45-vjeçarit, duke treguar se nuk ka ndërmend të largohet pa përfunduar kontratën në qershor të vitit 2020.
Edhe federata duket se është në siklet sa i takon rolit të teknikut italian, pasi një shkarkim i mundshëm në mesin e edicionit do t’i kushtonte rreth 140 mijë euro, kur dihet se rroga e tij është 280 mijë në total.
Gjithsesi priten zhvillime, pasi dy palët mund të gjejnë edhe konsensus, ashtu siç ndodhi me De Biazin.
