KQZ: 53 këshilltarë bashkiakë nuk e kanë plotësuar vetëdeklarimin; nis verifikimi për Rroshin

Komisioni Qendror i Zgjedhjeve (KQZ) në zbatim të ligjit për dekriminalizimin informoi sot se 53 këshilltarë bashkiakë nuk e kanë bërë deklarimin brenda afatit ligjor, ndaj emrat e tyre do t’i përcillen KQZ-së me propozimin për kryerjen e procedurave për heqjen e mandatit të tyre.“Në kuadër të zbatimit të këtij detyrimi ligjor KQZ ka ngritur strukturën e posaçme për administrimin dhe përpunimin e formularit të vetëdeklarimit dhe ka pranuar depozitimin e 1828 formularëve nga 1836 funksionarë që e kanë detyrimin sipas këtij ligji, deri më datë 4 maj, që ishte dhe data e fundit për pranimin e formularëve”, bëri të ditur zëdhënësja e KQZ-së, Drilona Hoxhaj.
Nga verifikimi i subjekteve vetëdeklaruese rezulton se 25 prej tyre janë bërë nga subjekte që nuk mbartin detyrimin për vetëdeklarimin, ndërsa 53 këshilltarë bashkiakë nuk e kanë bërë deklarimin brenda afatit ligjor dhe emrat e tyre do t’i përcillen Komisionit Zgjedhor me propozimin për kryerjen e procedurave për heqjen e mandatit të tyre.
KQZ njofton gjithashtu se per nisjen e verifikimit te të dhënave në formularin e vetëdeklarimit të kryebashkiakut te Kavajes, Elvis Roshi, në kuadër të kërkesës që Prokurori i Përgjithshëm i ka drejtuar Komisionit Zgjedhor. Organi qendror i akuzës kërkon verifikimin e të dhënave të deklaruara në formular nga kryebashkiaku Roshi, pasi rezulton se në to ka paqartësi dhe mungesë informacioni.