Momente tmerri dhe paniku për gazetarin e “Rai-t” në Itali, Federico Ruffo i cili investigoi lidhjen e Juventusit me mafien dhe bashkëpunimin e skuadrës me këta tifozë!
Sipas gazetës “Il Mattino”, Ruffo ishte në shtëpinë e tij në Ostia, afër Romës, kur në orën 4.30 dy persona të paidentifikuar kanë sulmuar shtëpinë e tij duke i vënë kryq dhe pastaj kanë spërkatur me benzinë një pjesë të oborrit.
Ishte qeni i shtëpisë i cili lehte vazhdimisht duke bërë që dy agresorët të tremben dhe të largohen menjëherë pa i vendosur zjarrin shtëpisë që mund të kishte pasoja fatale në jetën njerëzore.
Ruffo është autor i raportit të programit të Rai 3 mbi lidhjet e grupit kriminal “Ndrangheta” me anëtarët e grupit të tifozëve ultras të Juventusit, të cilët kanë shitur bileta me çmime të larta.
Në të ishte edhe vdekja e tifozit të Juventusit, Raffaello Bucci, i cili punonte për klubin por edhe bashkëpunonte me policinë.
Vdekja e tij u cilësua vetëvrasje, edhe pse përgjimet zbulojnë se ai mund të jetë kërcënuar para se të hidhej nga një urë.
