Një shqiptari i dënuar për vrasjen e një prostitute në Itali, është dënuar edhe me 18 muaj burg dhe gjobë për falsifikim.
Erjon Sejdiraj, i cili për vite me radhë kishte bërë një jetë të dyfishtë në Geluwe të Belgjikës, u zbulua pasi autoritetet italiane ranë në gjurmët e tij.
Në Itali, shqiptari u dënua fillimisht me burg të përjetshëm për vrasjen e një prostitute 20 vjeçare.
Pasi kishte shkuar në Belgjikë, ai kishte ndryshuar emrin në Erjon Ymeri si dhe kishte fshirë një tatuazh në pjesën e fytyrës. Ai u martua atje dhe ka tre fëmijë.
Prostituta ekuadoriane u vra barbarisht përgjatë lumit Po nga tre shqiptarët Fatmir Vangjelaj, Robert Ziu dhe Erjon Sejdiraj më 9 dhjetor 1999. Trupi i ekuadorianes u gjet më 20 shkurt të vitit 2000.
Tre përgjegjësit e krimit humbën gjurmët e tyre në ditët në vijim, por policia italiane ishte vënë në ndjejkje deri kur në vitin 2006 u arrestuan Robert Ziu, i dënuar me 23 vite burg dhe më 17 gusht 2015 u arrestua në Belgjikë Erjon Sejdira.
