Anemia është një çrregullim shumë i zakonshëm i gjakut, i cili zhvillohet kur qelizat e kuqe të gjakut nuk kanë hemoglobina të mjaftueshmen, në botë ka një numër madh të personave anemik.
Disa nga shenjat paralajmëruese të anemisë:
Ndjeheni të rraskapitur dhe të dobët
Mungesa e hekurit si komponent i rëndësishëm i hemoglobinës shkakton lodhje, bën që të mos keni fuqi të ngriheni nga shtrati, të ndjeheni të rraskapitur për të përfunduar detyrat e ditës.
Keni preferenca të çuditshme për gjëra që nuk janë ushqim
Njerëzit të cilët janë anemikë mund të zhvillojnë një sindromë të quajtur pica, e cila shkakton dëshira të çuditshme për të ngrënë objekte që nuk janë ushqim, si pluhuri, akulli, ose balta, shpjegon Sonpal.
Keni dhimbje koke ose ndjeheni të trullosur
Dhimbja e kokës dhe marramendja mund të jenë simptoma të anemisë. “Kjo ndodh nga mungesa e oksigjenit në tru”, thotë Sonpal.
Rrahjet e zemrës i keni të parregullta
Rrahjet e parregullta të zemrës, ose shkalla e rritur e të rrahurave të zemrës ndodh kur trupi juaj përpiqet të kompensoj mungesën e energjisë.
Mbeteni pa frymë
Kur organet tuaja nuk janë duke marrë oksigjen të mjaftueshëm, mushkëritë tuaja fillojnë të kompensojnë dhe të punojnë më shumë për të rritur nivelin e oksigjenit.
Duart dhe këmbët i keni gjithmonë të ftohta
Kur jeni anemik qarkullimi i gjakut është i kufizuar. Ky qarkullim i kufizuar i gjakut në duar dhe këmbë, mund të shkaktojë ndjenjën e ftohtë dhe mpirje në këto pjesë.
