Deputetja e Partisë Demokratike, Albana Vokshi i është përgjigjur kërcënimeve të kryebashkiakut socialist të Durrësit, Vangjush Dako, i cili tha se do i drejtohej gjykatës për akuzat. Në një postim në Facebook, Vokshi i kujton Dakos se njësoj si ai sot reagonin edhe politikanët italianë disa vite më parë, ndaj të vërtetave të kritikëve, por që më pas rezultuan se ishin të lidhur me mafien atje.
“Mirë mua do më cosh në gjyq, po dosjes hetimore “339” cfarë do t’i bësh??”, është pyetja që Vokshi i drejton Dakos, duke iu referuar përgjimeve të Prokurorisë, ku kryebashkiaku i Durrësit bisedonte me Avdylajt e Shijakut për blerjen e votave.
Postimi i Vokshit:
E folura me kode dhe intimidimi verbal i z. Dako është një tregues shumë I rëndësishëm. Në të njëjtën mënyrë kundërpërgjigjeshin ndaj atyre që thonin fakte e të vërtetat, politikanët që rezultuan të lidhur me mafian në shtetin Italian, ku z. Dako ka qenë emigrant dikur.
Vulgu I koduar dhe shantazhi në emër të ligjit, janë dy karakteristika të kësaj rrace politikanësh.
Kjo është replika ime e fundit.
Kam vetëm një pyetje për z. Dako:
Mirë mua do më cosh në gjyq, po dosjes hetimore “339” cfarë do t’i bësh??
