Nga Boldnews
Në mënyrë të paprecedentë dhe të padëgjuar në pjesën perëndimore të botës kryebashkiaku i Tiranës Erion Veliaj rrethoi sot Gjykatën e Apelit me militantët e tij të bashkisë. Nëpërmjet një njoftimi “lali Eri” siç kanë filluar ta quajnë në këto anë u kthye nga pushtetar në popull, duke u vetëshpallur i tillë. Njeriu që po shkatërron parkun e liqenit të Tiranës kërkon t’u marrë dhe të drejtën e protestës qytetarëve të Tiranës.
Pasi i gënjeu në fushatë duke u premtuar ulje çmimesh dhe i rriti çmimet e biletave, pasi i gënjeu se në mandatin e tij s’do kishte asnjë centimetër kub beton ndërkohë që ka dhënë leje ndërtimi për kulla shumë të larta e ka betonizuar parkun e liqenit, pasi i gënjeu se asnjë pemë nuk do të pritet, pasi po u merr parkun për interesa korruptive dhe klienteliste qytetarëve të Tiranës dhe pasi i gënjeu e i gënjeu sa herë që hapi gojën, (biles edhe për shiun dhe stuhitë) lali Eri vendosi t’u marrë dhe të drejtën e fundit atë të vetmen që u ka mbetur qytetarëve të drejtën për të protestuar.
Në mënyrë harbuteske, arrogante dhe anti-shtet ai mblodhi punonjësit e bashkisë dhe rrethoi gjykatën. Kjo nuk ishte parë deri më tani, por si duket vota për eunukët ka kosto dhe qytetarët e Tiranës duhet ta paguajnë një gjë të pamenduar që bënë ditën e 21 qershorit 2015. Si mund ti bëhet presion gjykatës për vendimet e saj, ku jemi këtu në republikën imagjinare të mjaftit? Parimisht ndërtimi poshtë digës tek liqeni duhet të ndalet dhe duhet të ndalet me çdo kusht por që nuk i takon “zoti betonit” ta bëjë një gjë të tillë.
Po nëse lali Eri arrin një marrëveshje për ca metra katror në ato ndërtime të përfolura çdo të ndodh, do uli kokën të shkoj në shtëpi të mendoj për gënjeshtrën e radhës. Dikush atje në partinë Socialiste duhet ti thotë ndal këtij veprimi. Kjo klasë politike e korruptuar dhe e panderë s’ka lënë gjë pa i bërë këtij vendi dhe pa shantazhuar prokurorë e gjyqtarë, kjo e lali Erit po krijon një precedent që mund të jetë shumë i rrezikshëm për të ardhmen e pushtetit gjyqësor në këtë vend.
Çdo të ndodhë nëse çdo parti në pushtet ose opozitë rrethon gjykatën me militantë? Për ta mbyllur po perifrazoj Arian Çanin i cili e quan “mortje” kryebashkiakun Veliaj. Në fakt Lali Eri ngjan me murtajën ku gënjeshtrat mashtrimet dhe modeli që ofron po shpërndahet si një kolerë nëpër Tiranë dhe Shqipëri.
