Kreu i Bashkisë së Tiranës Erion Veliaj fton qytetarët në protestë kundër ndërtimit të pallateve tek Diga e Liqenit.
Megjithëse vetë u vendos përballë qytetarëve për ndërtimin brenda parkut të Liqenit, këtë herë Veliaj kërkon ndihmën e qytetarëve për një tjetër ndërtim. Ai ka shkruar në facebook, se nëse Gjykata Administrative e Apelit, e cila do të shqyrtojë sot padinë e Bashkisë së Tiranës për anulimin e lejes për kompleksin e pallateve pranë digës nuk ndërron trupin gjykues do të ketë protesta.
Bashkia kërkoi ndryshimin e trupit gjyqësor, pasi sipas kryetarit Veliaj, në përbërje të tij ka të afërm të ndërtuesve që po investojnë në këtë projekt. Por gjykata ka refuzuar kërkesën për të ndërruar gjykatësit
STATUSI I VELIAJT
VEÇ FUQIA E NJË POPULLI ME NDËRGJEGJE E SJELL NË VETE NJË GJYKATË TË SHITUR!
Në fushatë premtova se do kërkoj revokimin e lejes te Liqeni sipas raportit të Bordit të Digave për rrezikun aty. Sot në orën 11:00 zhvillohet seanca gjyqësore ku Bashkia kërkon këtë anulim.
Por gjyqtarë nuk mund të jenë familjarët e ndërtuesve, kjo është E PALIGJSHME DHE FYESE. Nëse para orës 11:00 nuk hiqen familjarët e betonit nga trupi gjykues, do jem në proteste me qytetarët para Gjykatës së Apelit Administrativ (ish Ministria e Mjedisit, në Rrugën e Durrësit). Ky nuk është kërcënim, është premtim.
Gjykatat nuk mund të jenë tender për ofertën më të lartë! Të gjithë në 11 para gjykatës për REFORMË NË DREJTËSI që të kemi DREJTËSI NË QYTET.
