Në Prill Xiaomi testoi Mi Max, nja phablet qe ka një ekran të madh (Xiaomi nuk e tha se sa i madh saktësisht) por që gjithsesi e nxë në xhepin tuaj.
Tani që Mi Max ka dalë zyrtarisht në Kinë, Xiaomi vazhdon me të njëjtën histori, edhe pse nuk jemi të sigurt që çdo lloj xhepi e mban atë.
Mi Max ka një ekran 6.44-inç, HD të plotë, që i afrohet tmerrësisht territorit të tabletave (iPad mini, për shembull, ka ekran 7.9-inç).
Xiaomi nuk i ka thënë përmasa ekzakte të telefonit, por ka thënë që trupi i tij e metaltë është vetëm 7.5 mm dhe peshon vetëm 203 gram.
Edhe pse është më i madh se kryevepra e kompanisë, Mi 5, Mi Max është një pajisje e shkallës së mesme, me një procesor Snapdragon 650/652, chip grafike Adreno 510, 3/4GB RAM, 32/64/128 GB hapësirë, mbështetje për kartë microSD, kamerë të pasme 16-megapixel, kamerë të përparme 5-megapixel, një ndijor për shenjat e gishtave dhe bateri 4,850 mAh.
Mi Max do të vijë në Kinë më 17 Maj, me çmimin 1499 RMB (231 dollarë) me një procesor Snapdragon 650, 3GB RAM dhe 32GB hapësirë. Versioni i përmirësuar me procesor Snapdragon 652, 3GB RAM dhe 64GB hapësirë do të kushtojë 1699RMB (261 dollarë), ndërkohë që varianti më i fuqishëm, me Snapdragon 652, 4GB RAM dhe 128 hapësirë do të kushtojë 1999 RMB (307 dollarë).
