Kemi parë shumë koncepte të egra telefonash inteligjentë gjatë viteve por telefoni i ri HoloFlex i projektuar nga Laboratori Human Media i Universitetit Queen është diçka tjetër. Telefoni kombinon imazhe holografike 3D me një ekran fleksibël për të krijuar atë çka mund të jetë një prototip për telefonat inteligjentë në të ardhmen.
Laboratori Human Media shpjegon që HoloFlex është “i aftë të bëjë imazhet 3D me lëvizje paralaks dhe stereoskopike për përdorues të shumtë të njëkohshëm pa syze apo gjurmues koke.” Të gjitha imazhet në ekranin e pajisjes janë “dhënë në blloqe rrethorë 12-pixelë duke e paraqitur të gjithë pamjen e objektit 3D nga një pikëpamje e caktuar”, kështu ju mund të shikoni çdo aspekt të objektit në varësi të këndit nga i cili po e shikoni atë.
Këtu është një video që shfaq telefonin në aksion:
Midis të tjerave, videoja tregon se si ju mund të përkulni ekranin e telefonit për të luajtur lojëra si Angry Bird dhe për të bërë më shumë montime të detajuara të imazhit dhe projektime grafike.
Ana negative këtu është se imazhet në ekran për momentin kanë padyshim rezolucion të ulët- në këtë version, të gjitha imazhet janë dhënë me një rezolucion prej 160×104 pixelë. Me fjalë të tjera, imazhet në telefon tani duken shumë jashtë natyrës së tyre.
Pavarësisht kësaj, kjo shpikje tregon rrugën drejt risive të mëdha potenciale nga kompani si Samsung dhe tregon një mënyrë krejt të re të bashkëveprimit me telefonat tanë që shkon përtej asaj që Apple prezantoi me 3G Touch vitin e kaluar.
