Liverpool do të ndeshet kundër Chelsea-t ditën e mërkurë. Vizituesit momentalisht ndodhen në vend të nëntë, teksa Liverpool ndodhet në vendin e tetë. Prapë Klopp, i cili do të jetë për të 50-tën herë i ulur në stolin e “Reds-ave”, ka besim se gjatë këtij viti ka vënë bazat për sezonin tjetër. “Ne mund të kapim vendin e gjashtë në renditje. Nuk do të jetë suksesi më i madh në historinë e Liverpool, por të gjithë duan të përmirësohen dhe vazhdojnë punën e nisur”
“Ne duhet të përmirësohemi, dhe jam i sigurt që do t’ia arrijmë. Shumë gjëra duhet të jenë perfekte për një sezon të mirë. Mezi po pres që të fillojë sezoni tjetër.” Klopp me siguri do të përdorë rotacionin për shkak se e pret finalja e Europa League ditën e mërkurë. “Kemi bërë disa ndryshime në formacion fundjavën e kaluar. kështu është gjatë gjithë kohës. Kam mësuar të bëj rotacion, nuk jam më i miri në botë por nuk jam edhe aq keq, dhe do të jemi 100% gati për finalen e Europa League. Mezi po e pres!”
