Zbulohet shkaku i vdekjes së parakohshme i yllit të POP-it, i njohur edhe si ish-i dashuri i këngëtares Ariana Grande.
Mac Miller vdiq nga një mbidozë e fentanilit, kokainës dhe alkoolit, sipas asaj që është dëshmuar sot nga Departamenti i Ekzaminimit Mjekësoro-Kriminal në Los Anxhelos.
Ndihmësi i muzikantit ishte ai që e gjeti atë pa shenja jete, ndërsa sipas dëshmisë së tij, Millerin e kishte gjetur në një pozicion që ngjasonte sikur po lutej, në shtratin e tij, raporton TMZ.
26-vjeçari , i cili u nda me këngëtaren Ariana në maj, u gjet i vdekur në shtator në shtëpinë e tij në San Fernando Valley. Çifti kishte një lidhje për rreth dy vite, ndërsa pas ndarjes mes tyre, ata deklaruan se pavarësisht të gjithave do të mbesnin miq të afërt.
