Partia Demokratike ka kërkuar sërish sot, arrestimin e kryebashkiakut të Durrësit Vangjush Dako për bashkëpunimin e tij të ngushtë me bandat për të grabitur votat. Kryetari i Grupit të PD, Edmond Spaho, deklaroi nga selia blu se “çdo ditë në liri ai shkatërron prova dhe manipulon dëshmitarët, i ndihmuar nga kryeministri i vendit, Edi Rama.”
Spaho: “Ka të paktën dy muaj që shqiptarët kanë parë prova të bashkëpunimit të Vangjush Dakos me bandat e Durrësit. Ai duhet të jetë në burg. Deri tanë publikuar vetëm tre përgjime. Ato nxjerrin në pah bashkëpunimin e Dakos me bandën e Avdylajve dhe gatishmërinë e tij për t’i mbaruar punë, bandës. Çdo ditë në liri ai shkatërron prova dhe manipulon dëshmitarët, i ndihmuar nga kryeministri i vendit, Edi Rama.
Mosarretsimi i Dakos është prova e shkatërrimit total të Prokurorisë së Krimeve të Rënda.
Nuk mund të arrestohen ata që protetsojnë për bukën e gojës dhe lihen të lirë politikanë kriminalë si Vangjush Dako. “