Një ditë pas ngjarjes në zonën e ish-Bllokut, ku mbeti i vrarë shtetasi Fabian Gaxha, Politiko.al se autori i dyshuar, Mevjol Bilo është gjithashtu kushëriri i këngëtares Elvana Gjata, për të cilën dyshohet se nisi sherri midis dy grupeve.
Është Donika Gjata, mamaja e këngëtares, që ka konfirmuar lidhjen familjare me Mevjol Bilon, komandon e shpallur në kërkim. Në dosjen e prokurorisë, të publikuar nga ‘Panorama’, ajo ka deklaruar se Bilon e ka nip.
“I është marrë deklarim që tregon rrethanat e hetimit shtetases Donika Gjata, e cila ndër të tjera ka deklaruar së është takuar për herë të fundit me bijën e saj më datë 03.10.2018, ka njohje me Ervin Matën pasi ky i fundit ka rreth 1 vit që bashkëjeton me vajzën e saj, gjithashtu shtetasin Mevjol Bilo e ka nip të sajin”, shkruhet në dosjen e Prokurorisë.
Edhe babai i Elvanës ka dhënë në Prokurori pothuajse të njëjtën dëshmi: “I është marrë deklarim që tregon rrethanat e hetimit shtetasit Fatmir Gjata, i cili është i ati i shtetases Elvana Gjata, ku ndër të tjera ka deklaruar se Elvanën ka rreth 2 javë që e ka takuar, ajo shoqërohej shpesh me Mevjol Bilon, pasi bashkëshortja e tij e kishte nip dhe se me shtetasin Ervin Mata e bija e tij ka rreth 1 vit që bashkëjeton.”
Arsyeja e konfliktit ku u përfshi Ervin Mata dhe Ervis Martinaj, sipas dosjes së Prokurorisë, lidhet me një ngacmim që i është bërë këngëtares Gjata. Ky ishte versioni i parë i publikuar në media, por më pas disa gazetarë të njohur dhanë informacione të tjera, që nuk përfshinin këngëtaren në arsyet e sherrit.
