Juventusi nuk ka të ndalur në Serie A.
“Zonja e Vjetër” fitoi me rezultatin 3-1 ndaj Cagliarit, ndërsa Ronaldo bëri sërish një ndeshje të mirë duke dhuruar asist.
5 herë fituesi i “Topit të Artë” ishte shumë pranë golit por shtylla nuk lejoiu portugezin që të festonte.
Pas 43 sekondash ishte Dybala ai i cili shënoi golin e parë për “Zonjën e vjetër”.
Skuadra e Massimiliano Allegrit ishte dominuese në këtë takim por Joao Pedro befasoi vendasit me një super gol. Por, gëzimi i tij dhe skuadrës së tij zgjati pak.
Filip Bradaric shënoi autogol, ndërsa për t’i dhënë shuplaken përfundimtare Cagliarit u kujtua Juan Cuadrado, i cili shënoi tre minuta para fundit.
Pas kësaj fitore, Juventusi kryeson Serie A me 31 pikë të grumbulluara, 6 më shumë se Interi i vendit të dytë.
