Leicester City arriti sot një fotore të rëndësishme në kampionatin anglez përballë Cardiff City, por në këtë ndeshje rezultati duket se ka kaluar në plan të dytë për shkak të tragjedisë që ndodhi javën e kaluar ku president i klubit Tai Viçai Srivaddhanapraba humbi jetën tragjikisht në moshën 60-vjeçare pas aksidentit me helikopterin e tij.
Tifozët dhe lojtarët e Leister kanë përkujtuar tajlandezin nën drejtimin e të cilit fituan dhe kampionatin anglez duke ngritën flamuj të Tajlandës dhe veshën fanella speciale me portretin e ish-pronarit të tyre që e thërrisnin “Bosi”.
Fanellat me portretin e ish-presidentit u vendosën në dhomat e zhveshjes së skuadrës së Leisterit, ndërsa shumë mbështetës para sfidës me Kardifin dolën nëpër rrugë me flamuj të Tajlandës.
Ndërsa djali i ish-pronarit të Leisterit gjithashtu hodhi një kurorë në fushë në kujtim të babait të tij të ndjerë, funerali i të cilit filloi ditën e djeshme në Tajlandë dhe do të zgjasë për shtatë ditë.
Portieri i Leicester Kasper Schmeichel tha se kjo ishte një ndeshje e vështirë, dhe shpresonte që paraqitja të ketë bërë që familja e presidentit të ndjerë të ndihej krenare.
