Sherri i tyre u bë një nga ngjarjet më të përfolura në të gjitha mediat botërore.
Duket që dy reperet e njohura Cardy B dhe Nicki Minaj kanë gjetur gjuhën e paqes. Ishte Minaj e para që shtriu dorën e pajtimit me anë të një postimi në rrjetin social Twitter.
“Le të fokusohemi vetëm në gjëra pozitive. Ne jemi të gjithë të bekuar. E di që gjithë kjo gjë është qesharake dhe interesante për shumë njerëz, por unë nuk do e diskutoj më këtë gjë pa sens. Faleminderit që më jepni mbështetje dhe kurajo çdo vit. Ju dua”, shkruajti Nicki.
Nuk mungoi reagimi i Cardi B, e cila ripostoi shkrimin e rivales duke shtuar: “Në rregull Nicki, le të qëndrojmë pozitive dhe të vazhdojmë përpara.”
Tani mbetet për tu parë në qoftë se kjo paqe do zgjasë dhe si do jetë marrëdhënia e tyre në vijim.
