Komisioneri Publik ka ankimuar vendimin e KPK-së dhënë më 1 Gusht 2018, që konfirmoi në detyrë Besnik Muçin, Prokurorin e Krimeve të Rënda.
Në ankimin e Komisionerit Publik, depozituar tashmë në KPA, thuhet se, prokurori nuk justifikon pasurinë.
“Shkaqet përcaktuese për të cilat Komisioneri Publik çmon se ky vendim i Komisionit nuk është i drejtë, qëndrojnë në vlerësimin se: (i)subjekti i rivlerësimit dhe personat e lidhur me të nuk arrijnë të justifikojnë bindshëm burimin e ligjshëm të të ardhurave dhe pasurive të deklaruara, referuar nenit D/3, të aneksit të Kushtetutës dhe nenit 30, të ligjit nr. 84/2016; (ii) Për vitet 2003, 2004 dhe 2005, 2006 dhe 2016 ka mungesë burimesh financiare të ligjshme për të justifikuar shpenzimet dhe kursimet e deklaruara, si dhe (iii) ka kryer mosdeklarim të pasurisë dhe deklarim të pamjaftueshëm për kontrollin e pasurisë, referuar nenit D, pika 1 dhe 5, të aneksit të Kushtetutës dhe nenit 61/3, të ligjit nr. 84/2016”, arsyeton Komisioneri Publik.
Ankimi i Plotë
