Miratimi në parim të drafit kushtetues të Reformës në Drejtësi nga Komisioni i Posaçësh është përshëndetur dhe nga dy krerët e mazhorancës, Edi Rama dhe Ilir Meta, po ashtu edhe nga kreu i opozitës Lulzim Basha.
Nëpërmjet një postimi në Tëitter, Rama e quan një hap të madh përpara këtë të komisionit të posaçëm. “Hap i madh përpara votimi në parim i draftit kushtetues të Reformës në Drejtësi nga Komisioni i Posaçëm, bash në ditën e Evropës”, shkruan Rama.
Nga ana tjetër Ilir Meta me anë të një deklarate për mediat kërkoi të vazhdohet me këtë përkushtim miratimi përfundimtar i reformës dhe se ky është mesazhi më i mirë që mund të jepet në Ditën e Evropës.
“Përshëndes miratimin në parim të Reformës në Drejtësi. Tani duhet të vazhdojë me përkushtim miratimi përfundimtar i Reformës. Ky mesazhi më i mirë në ditën e Evropës”, tha Kryetari i Kuvendit, Ilir Meta.
